काठमाडौं । भारतले नेपालको भूभाग समेटेर जाली नक्सा तयार पारेको विरोधमा संसारभर छरिएर रहेका नेपालीहरुले रोष प्रकट गरिरहेका छन् । उनीहरुले आफू कार्यरत देशबाटै भारतलाई जाली नक्सा सच्याउन दबाब दिइ रहेका छन् ।

जापानमा कार्यरत नेपालीहरुको संगठन जापान नेपाली एकता समाजले मंगलबार विज्ञप्ति प्रकासित गरी जाली नक्सा सच्याउन संसारभरबाट दबाब दिन नेपाली जनतासँग अपिल गरेको छ । विज्ञप्तिमा भारतले गरेको किर्ते कामबारे भारतीय जनतालाईसमेत जानकारी गराउन आग्रह गरिएको छ, ताकि नक्सा सच्याउन भारत सरकारलाई दबाब परोस् ।

भारतको हेपाहा प्रवृतिप्रति नेपालका राजनीतिक दल तथा जनतामा देखिएको एकताप्रति जापान नेपाली एकता समाजले खुशी व्यक्त गरेको छ । ‘यो एकतालाई हाम्रो समाज उच्च सम्मान र कदर गर्दछ’ विज्ञप्तिमा भनिएको छ ।