बाग्लुङ । निसीखोला गाउँपालिकामा राष्ट्रिय जनमोर्चा र नेपाल कम्युनिस्ट पार्टी (नेकपा)को संयुक्त भेला आज सम्पन्न भएको छ । भेलाले जुन बिक्रम शाही संयोजक र कुबिर बिक उपसंयोजक रहेको ४५१ सदस्यीय निसीखोला संयुक्त निर्वाचन मुल परिचालन समिति चयन गरेको छ । साथै भेलाले वडा स्तरीय निर्वाचन परिचालन समितिको संयोजक र उपसंयोजकको जिम्मेवारी निर्धारण गरेको छ ।
जसमा वडा नं.१ मा संयोजक मुक्त सिह, उपसंयोजक जीवन सिंजाली, वडा नं. २ मा संयोजक ईन्द्र बहादुर रसाईली, उपसंयोजक सहविन छन्त्याल, वडा नं. ३ मा संयोजक खिम बहादुर शाही, उपसंयोजक बिमल शाही, वडा नं. ४ मा संयोजक टंक पौडेल, उपसंयोजक लोकिश्वर पौडेल, वडा नं. ५ मा संयोजक थमन घर्ती, उपसंयोजक हिरा बहादुर पुन, वडा नं. ६ मा संयोजक लिला बहादुर बुढा, उपसंयोजक मनसुर बुढा, वडा नं.७मा संयोजक खुमन बुढा, उपसंयोजक तारा घर्ती रहनु भएको छ ।
कार्यक्रममा (नेकपा)का प्रदेश सदस्य प्रेम घर्तीले मन्तव्य राख्नु भएको थियो । कार्यक्रम जुन बिक्रम शाहीको अध्यक्षता, रुद्र पौडेलको सञ्चालन र भिम घर्तीको स्वागत मन्तव्यमा सम्पन्न भएको थियो । भोली २७ गते २२ वटै वडामा वडा स्तरीय परिचालन समितिको भेला सम्पन्न हुनेछ ।
