महेन्द्रनगर ।भारतले प्रकाशित गरेको नक्साको विरुद्धमा मंगलबार महेनद्रनगरको मदनचोकमा विरोध सभा सम्पन्न भएको छ । अखिल नेपाल युवक संघ सुदुरपश्चिम प्रदेश समितिको आयोजनामा सम्पन्न सभालाई अखिल नेपाल युवक संघका केन्द्रीय सचिव प्रशान्त थापाले भारतीय साम्राजयवादले नेपाली भूमिलाई आफ्नो नक्सामा सामेल गरेर नेपालमाथिको हस्तक्षेप गरेको बताउनु भयो ।
नेता थापाले भारतले नेपालको लिपुलेक, कालापानी, लिम्पियाधुरा लगायतका अतिक्रमित भूभाग फिर्ता गराउन सम्पूर्ण नेपाली जनता एकजुट हुन समेत आग्रह गर्नुभयो ।कोणसभामा अखिल (छैठौं) सुदुरपश्चिमका सहसचिव टंकराज अवस्थी,प्रदेश सदस्य पुष्कर भट्ट लगायतका नेताहरुले सम्बोधन गर्नुभएको थियो । सभाको सञ्चालन युवक संघका प्रदेश सहसयोजक अमिर कुँवरले गर्नुभएको थियो ।
त्यस्तै (छैठौं)का केन्द्रीय महासचिव महेशराज जोशी, राष्ट्रिय जनमोर्चाका जिल्ला सचिवालय सदस्य लालबहादुर कुँवर, अखिल (छैठौं)का जिल्ला सचिव पुष्कर भट्टलगायत नेताहरुको उपस्थिती रहेको थियो । सभामा ‘भारतीय साम्राज्यवाद मुर्दावाद, लिपुलेक हाम्रो हो, भारतीय सेना कालापानी छोड्’ लगायतका नारा लगाउनुभएको थियो ।
