धनबीर पुन, कोचिन (भारत) ।
सडक दुर्घटनामा परी मृत्यु भएका भरत विकको परिवारलाई मूल प्रवाह अखिल भारत नेपाली एकता समाज कोचिन नगर समितिले क्षतिपुर्ति स्वरुप भारु २५ लाख २० हजार नगद दिलाउन सफल भएको छ ।
कञ्चनपुर जिल्लाको कृष्णपुर नगरपालिका वार्ड नम्बर ५ निवासी प्रताप सिंह कामी र वासु देविका छोरा २६ वर्षीय भरतको १६ सेप्टेम्बरमा सड्क दूर्घटनामा निधन भएको थियो । ड्युटीबाट आफ्नो कोठा तिर आउने क्रममा कोचिनको नोवलबेस नजिक कारले ठक्कर दिंदा सख्त घाइते भएका उनले स्थानीय मेडिकल ट्रष्ट हस्पिटलमा मृत्यु भएको थिए ।
डाक्टरहरुले मृत भएको जानकारी दिए पछि साथमा रहेका ब्यक्तीहरुले भरतका आफ्न्तहरु र मूल प्रवाह कोचिन नगर समितिलाई समेत जानकारी गराएका थिए । घट्नाको जानकारी हुना साथ नगर समितिका नेताहरुको उपस्तिथिमा पोस्ट्माट्म देखि दाहसंस्कारसम्म सम्पन्न गरेका थिए ।
नगर समितिका बाबुराम केसी र सचिव जनक विसिको पहलमा मुद्दा दर्ता गराइएको थियोे । अदालतले १३ फेब्रुअरी २०१९ को दिन पीडितको पक्षमा फैसला गरि सकेको थियोे ।
अदालतले मृतकको बुबा र आमालाई ल्याउन निर्देन दिए पछि ११ नोभेम्बर २०१९ का दिन अदालतले फैसला सुनाएको थियो । अदालतले मृतक भरतका बाबु आमाले भारतीय रुपैयाँ रु २५ लाख २० हजार (नेपाली रुपैयाँ अनुसार ४० लाख ३२ हजार) क्षतिपूर्ति दिने फैसला सुनाएको छ ।
मूल प्रवाह अखिल भारत नेपाली एकता समाज नगर समिति कोचिनका उपाध्यक्ष बाबुराम केसी र नगर सचिव जनक बिसि र नगर सहसचिव करण विकले दिनुभएको जानकारी अनुसार सो रकमको चेक सोमबार नै हस्तान्तरण गरि सकिएको छ ।
