काठमाडौं । भारतको कोलकातामा विश्व किसान सम्मेलनको कोअर्डिनेटर बैठक बसेको छ । अखिल नेपाल किसान महासंघका अध्यक्ष भैरवराज रेग्मीको अध्यक्षतामा बसेको वैठकले सन् २०२० को डिसेम्बर वा २०२१ को जनवरीमा दोस्रो विश्व किसान सम्मेलन बंगलादेशमा गर्ने औपचारिक निर्णय गरेको छ ।
सम्मेलनको तयारीका सम्पुर्ण नीतिगत, प्रतिनिधित्व,आर्थिक लगायत सम्पूर्ण विषयमा छलफल भएको अध्यक्ष रेग्मलिे जानकारी दिनुभयो । साथै विश्व र आ–आफ्ना देशका किसानका समस्या र संगठनका विषयमा पनि छलफल भएको थियो । विश्व सम्मेलनका विषयमा ठोस निर्णय लिन आगामी २०२०को फेब्रुअरी महिनामा काठमाडौंमा अर्को बैठक बस्नेछ ।
बैठकमा नेपालका तर्फवाट भैरव राज रेग्मी, बंगलादेशका तर्फबाट निमाई गांगुली, भारतका तर्फबाट प्रदिप ठाकुर हुनुहुन्थ्यो । वैठकमा नेपाल र भारतका सहयोगी प्रतिनिधिहरुको पनि प्रतिनीधित्व रहेको थियो ।
