कञ्चनपुर । कञ्चनपुरको दक्षिणी सिमास्थित भारतको खिरी जिल्लाको खजुरीया बजारमा बसले ठक्कर दिँदा एक नेपालीको मृत्यु भएको छ । मृत्यु हुनेमा बेलडाँडी गाउँपालिका ५ झिलमिला बस्ने १८ वर्षीय राजेश लुहार रहेका छन् ।

भारतीय बजार खजुरीया नजिकै रहेको क्रसर भन्ने स्थानमा युपी ३१ टि ०३२७ नम्बरको भारतीय सिन्धु ट्राभल्सको सार्वजनिक बसले लुहार सवार म २ प ६८०५ नम्बरको मोटरसाइकललाई पछाडीबाट ठक्कर दिएको थियो । लुहारको घटनास्थलमै मृत्यु भएको इलाका प्रहरी कार्यालय बेलौरीका प्रहरी निरीक्षक रण बहादुर चन्दले बताए ।

मोटरसाइकल चालक राहिल रोकायाको अवस्था सामन्य रहेको छ । भारतिय बजारबाट समान खरिद गरि नेपाल फर्किने क्रममा घटना भएको चन्दले बताए । बस चालकलाई भारतीय प्रहरीले नियन्त्रणमा लिएको छ ।