खिमराज चालिसे , चंडिगढ (भारत)
रोजगारीको शिलशीलामा देशभन्दा बाहिर रहेका नेपालीहरुले पनि तिहार पर्वका अवसरमा देउसीभैलो खेलेर रमाइलो गरेका छन् । भारतस्थित नेपालीहरुको छाता संगठन मूल प्रवाह अखिल भारत नेपाली एकता समाजले भारतका विभिन्न शहरहरुमा जनवादी भैलो खेलिरहेको छ ।

सोही अवसरमामा मूलप्रवाह चंंडिगढमा नगर समितिद्वारा सञ्चालित तीनवटै टिमहरुले वेग्लावेग्लै स्थानहरुमा रहेका प्रवासी नेपालीहरुको घरदैलोमा पुगी भैलो खेलिरहेका छन् । भैलोको कार्यक्रम तीन दिनसम्म लगातार सञ्चालन हुनेछ ।

टिम ‘सी’
टिम ‘सी’ ले भैलो अभियानको सेक्टर २८ मा आइतबार मूलप्रवाहका केन्द्रीय सदस्य दिनेश खड्काले उद्घाटन गर्नुभयो । एरिया सचिव थानेश्वर पाण्डेको सञ्चालन तथा टिम संयोजक शमशेर केसीको अध्यक्षतामा सम्पन्न उद्घाटन समारोहमा कोषाध्यक्ष( सरस्वता भुसालले स्वागत गर्नुभएको थियो ।

कार्यक्रममा सुदुरपश्चिमोत्तर क्षेत्रीय सल्लाहकार तथा नेपाली समाचार सम्वाददाता खिमराज चालिसे, सुदुरपश्चिमोत्तर महिला क्षेत्रीय विभागकी सचिव जुना चालिसे, समाता विभागका वीनु नेपाली, महिला क्षेत्रीय विभागकी सिमा खड़का, महिला नगर विभागकी लक्ष्मी अधिकारी, विद्यार्थी क्षेत्रीय सदस्य सुरज चालिसे, रक्तिमका लीला विक लगायतले शुभकामना दिनुभएको थियो ।

टिम ‘वि
त्यस्तै टिम ‘बि’ को उद्घाटन थमन थापाले गर्नुभयो । तेजबहादुर रोकाको सञ्चालन तथा मानबहादुर केसीको अध्यक्षतामा सम्पन्न समारोहमा दुर्गा विकले स्वागत गर्नुभएको थियो ।

टिम ‘ए’
यता टिम ‘ए’ ले पंचकूलामा पुरन थापाको नेतृत्वमा भैलो खेलिएको छ । जहाँ केन्द्रीय सल्लाहकार तिलक पौड्याल, सुदुरपश्चिमोत्तर क्षेत्रीय सदस्य प्रेम आचार्य, मूल प्रवाह नगरका सुरेश आचार्य, महिला नगर संयोजक माया आचार्य लगायतको उपस्थिति रहेको छ ।