काठमाडौं । रक्तिम साँकृतिक अभियानले तिहारमा खेलिने भैलोका लागि देशका विभिन्न स्थानमा तयारी प्रशिक्षण सञ्चालन गरिरहेको छ । राष्ट्रिय जनमोर्चासहित विभिन्न जनवर्गीय संगठनको भैलोलाई सांस्कृतिक कार्यक्रममार्फत सघाउ गर्ने उद्देश्यले प्रशिक्षण कार्यक्रम भइरहेको अध्यक्ष रेम रानाले जानकारी दिनुभयो ।
राजमोले काठमाडौंमा खेल्ने जनवादी भैलोलाई राक्तिमका कालाकारहरुले सघाउ गर्ने उद्देश्यसहित कलाकारहरु प्रशिक्षणमा जुटेका छन् । राष्ट्रिय जनमोर्चाको केन्द्रीय कार्यालय कपनमा उहाँहरुका प्रशिक्षण चलिरहेको छ ।
अभियानका केन्द्रीय कोषाध्यक्ष विष्णु शर्माको नेतृत्वमा भैरहेको प्रशिक्षण कार्यक्रममा अभियानकै केन्द्रीय सल्लाहाकार मधु क्षेत्री लगायतका केन्द्रीय समितीका कलाकारहरुले प्रशिक्षण दिईरहनु भएको छ । सो भैलोमा महासचिव जीवन शाही लगायतका अभियानका केन्द्रीय टोली सहभागि हुनेछ ।
भिडियाे हेर्न यहाँ क्लिक गर्नुहाेस्
त्यसैगरी अभियानका केन्द्रीय अध्यक्ष रेम रानाको नेतृत्वमा बुटवलमा पनि पशिक्षण भैरहेको छ । प्रशिक्षणमा अभियानका केन्द्रीय सदस्य विष्णु केसी, केन्द्रीय सल्लाहकार लक्ष्मी गुरुङ, सिता बश्याल लगायतका कलाकारहरुको उपस्थिती रहेको छ ।
देशको विभिन्न जिल्लाहरुमा पनि अभियानका कलाकारहरुले भैलो तयारीमा जुटेको अध्यक्ष रानाले जानकारी दिनु भएको छ ।
