खिमराज चालिसे, चंडीगढ
मूलप्रवाह अखिल भारत नेपाली एकता समाज चंडीगढ़ नगर समितिले तिहारमा जनवादी भैलो खेल्ने तयारी गरेको छ । मूलप्रवाहले रक्तिमका कलाकार सम्मिलित तीन टिमको घोषणा पनि गरेको छ । ती तीनै टिमले जनवादी भैलो खेल्ने क्रममा जनताका बीचमा पुगेर संगठनका लागि आर्थिक संकलनसँगै जनचेतनामुलक कार्यक्रम गर्नेछन्।

टिम ‘ए’
मूलप्रवाह अखिल भारत नेपाली एकता समाज चंडीगढ़ नगर समितिको टिम ‘ए’ को घोषणा संयोजक माया आचार्यले सेक्टर २८ को टिम सी द्धारा आयोजित कार्यक्रम विच गर्नुभएको थियो ।

टिम ‘बी’
यस्तै, टिम ‘बी’ ले जनवादी भैलो भेला सेक्टर २४ मा भव्य रूपमा सम्पन्न गरेको छ । दुर्गा विकको अध्यक्षतामा तथा अर्जुन विकको संचालनमा सम्पन्न भेलामा मुलप्रवाह नगर सचिव तेज वहादुर रोकाले भैलो टीम ‘बी’ को घोषणा गर्नुभएको थियो ।

किसन पान्डेको स्वागतबाट सुरु भएको भेलामा नगर अध्यक्ष मान वहादुर केसी, सदस्य किसन खनाल, विद्यार्थी क्षेत्रिय अध्यक्ष माधव पोखरेल, पुजा गुरुङ, सम्झना विक, महिलाबाट जमुना खनाल, टोल समिति का मधु सुवेदी, माया नेपाली लगाएतले शुभकामना दिनुभएको थियो । कार्यक्रममा मूलप्रवाहका सदस्य मालारानी गाउँपालिकाका रामु भुसालको असामायिक निधन प्रति व्यक्त गरिएको थियो ।

टिम ‘सी’
नगर समितिको टिम ‘सी’ ले पनि जनवादी भैलो भेला सेक्टर २८ चंडीगढ़मा भव्य तथा सानदार रुपमा सम्पन्न गरेको छ । सरस्वता भुसालको अध्यक्षता तथा थानेश्वर पान्डेको सञ्चालनमा सम्पन्न भेलामा रुद्र अधिकारीले स्वागत गर्नुभएको थियो । कार्यक्रममा मूलप्रवाह क्षेत्रीय सल्लाहकार एवं महिला क्षेत्रीय सचिव जुना चालिसेले भैलो टीम ‘सी’ को घोषणा गर्नूभएको थियो ।

टिम घोषणा पछि केन्द्रीय सदस्य दिनेश खड़काले अनुशासन, व्यवस्थापन तथा एकजुटता को विषयमा चर्चागर्दै शुभकामना दिनुभयो। शुभकामना दिने अन्य वक्ताहरुमा ,मूलप्रवाहका केन्द्रीय सल्लाहकार तिलक पौडयाल, क्षेत्रीय सल्लाहकार तथा नेपाली समाचारका सम्वाददाता खिमराज चालिसे, महिला क्षेत्रीय सदस्य सिमा खड़का, मूलप्रवाह क्षेत्रका विनु नेपाली, समता का लिला विक, जनजातिका प्रेम गुरुङ, विद्यार्थी विभागका अध्यक्ष नारायण आचार्य, लगाएत हुनुहुन्थ्यो।

सो भेलामा पनि स्वर्गीय रामु भुसालप्रति श्रद्धाञ्जली अर्पण गरिएको थियो ।