बागलुङ । जातीय समता समाज बागलुङको प्रशिक्षण भेला शुक्रबार सम्पन्न भएको छ । दुई दिनसम्म चलेको भेलाले नरबहादुर सुनारको अध्यक्षतामा नौ पूर्ण र दुई वैकल्पिक गरि ११ सदस्यीय जिल्ला समिति चयन गरेको छ । जसको उपाध्यक्षमा पनबहादुर विक, सचिवमा टीकासङ्गम बविक, सहसचिवमा नर बहादुर बिक र कोषाध्यक्षमा रामकुमार बिक रहनुभएको छ ।

त्यस्तै, सदस्यहरूमा भिम विक, गोविन्दलाल विक, रनबहादुर विक र बिष्णुकली दर्जी रहनु भएको छ भने बैकल्पिक दुई स्थान रिक्त राखिएको छ । भेलाले सल्लाहकारमा दिलबहादुर दर्जी, खडक विक र पवित्रा सुनारलाई चयन गरेको छ ।

कार्यक्रमको प्रमुख अतिथि जातीय समता समाजका पूर्व केन्द्रीय अध्यक्ष तथा सल्लाहकार राजेश विश्वकर्मा, राष्ट्रिय जनमोर्चाका केन्द्रीय सदस्य तथा जिल्ला समन्वय समितिका प्रमुख राजेन्द्र ढुङगाना, राष्ट्रिय जनमोर्चाका परिषद सदस्य तथा जिल्ला सल्लाहकार गौरीश्वर पाण्डे, अखिल नेपाल जनजाति सम्मेलनका केन्द्रीय सल्लाहकार नरबहादुर पुनलगायतका प्रशिक्षकहरुले समसामयिक राजनिति, दलित आन्न्दोलनका कार्यदिशा, माक्सवादी दर्शन, सङ्गठन निर्माण र परिचालन लगायतका विभिन्न विषयमा प्रशिक्षण दिनुभएको थियो । भेलाले कार्तिक र मङ्सिर महिनाभरि पालिका स्तरीय प्रशिक्षण भेला गर्ने, पौष महिनाभरि वडास्तरीय प्रशिक्षण भेला साथै सदस्यता वितरण अभियान सञ्चालन गर्ने निर्णय गरेको छ ।

समापन कार्यक्रममा प्रमुख अतिथि जातीय समता समाज पूर्व केन्द्रीय अध्यक्ष तथा सल्लाहकार राजेश बिश्वकर्मा, जातीय समता समाज गण्डकी प्रदेश संयोजक रनबहादुर रिजालले बधाइ तथा नवनिर्वाचित अध्यक्ष नरबहादुर सुनारले प्रतिबद्धता मन्तव्य राख्नुभएको थियो । कार्यक्रम दिलबहादुर दर्जीको अध्यक्षता, टीकासङ्गगम विकको सञ्चालनमा सम्पन्न भएको थियोे ।