काठमाडौं । गैरआवासीय नेपाली संघ (एनआरएनए) को अध्यक्षमा कुमार पन्त विजयी भएका छन् । बिहीबार भएको मतगणनामा प्रतिद्वन्द्वी कुल आचार्यलाई पछि पार्दै कुमार पन्त अध्यक्षमा विजयी भएका हुन् ।
पन्तलाई नेकपाको समर्थन थियो भने आचार्यलाई नेपाली कांग्रेसको साथ थियो ।
त्यस्तै उपाध्यक्ष बद्री केसी, सोनाम लामा, अर्जुनकुमार श्रेष्ठ निर्वाचित भएका छन् । बाँकी दुई उपाध्यक्षहरूको भने मतपरिणाम आइसकेको छैन । त्यस्तै महासचिवमा हेमराज शर्मा र कोषाध्यक्षमा महेशकुमार श्रेष्ठ विजयी भएका छन् ।
बिहीबार बिहान १० बजेदेखि साँझ ६ बजेसम्म मतदान चलेको थियो । राति अबेरदेखि मात्रै मतगणना शुरु भएको थियो। निर्वाचनमा कसरब दुई हजार ५०० मतदाता रहेकामा नयाँ नेतृत्वका लागि दुई हजार ३४४ मत खसेको थियो ।
अध्यक्षमा निर्वाचित पन्त पन्त यसअघि दुई पटक एनआरएनएको उपाध्यक्ष भैसकेका छन् । गोर्खा फुजेलका स्थायी बासिन्दा पन्त अध्ययनका क्रममा करिब दुई दशकअघि जर्मनी गए र उतै व्यवसायमा रमेका थिए ।
