काठमाडौं । ललितपुरको निदान अस्पतालले अनधिकृतरुपमा एक ब्यक्तिको मिर्गौला झिकेर अर्कैकोमा प्रत्यारोप गरेको पाइएको छ । मिर्गौली तस्करी आरोपमा ललितपुरस्थित निदान अस्पतालका सिइओ सहित ५ जनालाई पक्राउ गरिएको छ ।
प्रहरीको मानव बेचबिखन अनुसन्धान ब्युरो (सीआईबी)ले अस्पतालका सिइओ विपेन्द्र प्रधान, अस्पतालका कानुनी सल्लाहकार कुमुदकुमार भट्टराई, डाक्टर राजेश पन्त, मिर्गौला लिने बिरामी शंकरलाल लामा र जिल्ला प्रशासन कार्यालयका शाखा अधिकृत रामचन्द्र आलेलाई मिर्गौला तस्करीको आरोपमा बुधबार पक्राउ गरेको हो ।
उनीहरुलाई मानव बेचविखन तथा ओसारपसार ऐन अन्तर्गत कारबाही हुने सीआईबीले जनाएको छ । स्रोतका अनुसार अस्पतालले एक ब्यक्तिको मिर्गौला अवैध रुपमा भिकेर मिर्गौला फेल भएका रामेछापको दोरम्बा घर भई हाल काठमाडौंको स्वयम्भू बस्ने शंकरलाल लामाको शरीरमा प्रत्यारोपण गरेका थिए । दलालमार्फत् मिर्गौला दिन तयार भएका रामलाई ३ लाख रुपैयाँ दिइएको र अस्पतालले ११ लाख रुपैयाँ लिएको स्रोतको दाबी छ ।
