काठमाडौं । काठमाडौंबाट सिरहाका लागि छुटेको मिनीबस काभ्रे र सिन्धुलीको सिमानास्थित नेपालथोक भन्ने स्थानमा दुर्घटना हुँदा तीन जनाको मृत्यु भएको छ । घटनामा ५ जना घाइते भएका छन् ।
दशैँमा घर जाने यात्रु लिएर सिरहा जाँदै गरेको बा२ख २३५९ नम्बरको मिनी बस शनिबार अपरान्ह नेपालथोकमा दुर्घटनामा परेको हो ।

२८ जना सवार सो बसका अन्य यात्रु भने सकुशल रहेको जिल्ला प्रहरी कार्यालय सिन्धुलीले जानकारी दिएको छ।

मृतकहरुको सनाखत भएको छैन भने घाइतेलाई उपचारका लागि धुलिखेल अस्पताल पठाइएको जिप्रका सिन्धुलीले जनाएको छ।

तीव्र गतिका कारण बस अनियन्त्रित भएर दुर्घटना भएको हुनसक्ने प्रहरीको प्रारम्भिक अनुमान छ। घटनाका विषयमा थप अनुसन्धान भइरहेको प्रहरीले जनाएको छ।