काठमाडौं । नेपाल पत्रकार महासंघले पत्रकार अजयबावु सिवाकोटीलाई पटक–पटक धम्की दिइएको घटनाप्रति आपत्ति प्रकट गरेका छन् ।हाम्रा कुरा डटकमका सम्पादक एवम् महासंघका सदस्य सिवाकोटीलाई समाचार लेखेकै भरमा
धम्की दिइनु प्रेस स्वतन्त्रता विरुद्धको कार्य रहेको भन्दै महासंघले यस्ता अवाञ्छित क्रियाकलापमा संलग्न व्यक्ति वा समुहउपर छानबिन गरी कानुनी कारबाही गर्न माग गरेको छ ।
‘प्रेस स्वतन्त्रताको पूर्णरुपमा सम्मान गर्दै स्वतन्त्र पत्रकारिताको अभ्यासको वातावरण सुनिश्चित गर्न सबै पक्षसंग महासंघ आह्वान गर्दछ। पत्रकार सिवाकोटीको सुरक्षामा गम्भीर बन्न महासंघ सरकार र सुरक्षा निकायको ध्यानाकर्षणसमेत गराउँदछ’ महासंघले भनेको छ ।
कृष्णबहादुर महरा प्रकरणको विषयमा समाचार ब्रेक गरेका सिवाकोटीको सुरक्षामा आँच आउनु भनेको खोजी पत्रकारिताको प्रवद्र्धनमा आघात पु-याउने कार्य हो भन्दै सिवाकोटीलाई धम्की दिने कार्य तत्काल बन्द गर्न माग गरेको छ ।
