ऋतु केसी, काठमाडौँ ।
अखिल नेपाल कानुन व्यवसायी संघ (अन्ला) ले दशैँ, तिहार, छड लगायतका चाडपर्वका अवसरमा शुभकामना आदान–प्रदान गरेको छ । शनिबार राजधानीको नेपाल ल क्याम्पसमा एक समारोह आयोजना गरी शुभकामना आदान–प्रदान गरेको हो ।
कार्यक्रममा शुभकामना दिँदै राष्ट्रिय जनमाोर्चाका कार्यकारी अध्यक्ष रश्मीराज नेपालीले पछिल्लो समयमा न्यायालयमाथि राजनीतिक हस्तक्षेप बढ्दै गएकोमा चिन्ता ब्यक्त गर्नुभयो । उहाँले न्यायालयबाट निश्पक्ष न्याय सम्पादनको वातावरण बनाउन तथा न्यायालयप्रति आम जनताको विश्वास जगाउन कानुन व्यवसायीको भूमिका महत्वपुर्ण हुने बताउनुभयो ।
अखिल नेपाल कानुन व्यवसायी संघका अध्यक्ष अधिवक्ता पदम रोकाको अध्यक्षता, महासचिव अधिवक्ता लक्ष्मणदेव पाण्डेको सञ्चालन तथा अधिवक्ता रामप्रसाद शर्माको स्वागत मन्तव्यबाट अघि बढेको कार्यक्रममा विभिन्न जनवर्गीय संगठनका नेताहरुले समेत शुभकामना दिनुभएको थियो ।
कार्यक्रममा नेकपा (मसाल)का प्रवक्ता रामप्रकाश पुरी, राजमो नेता आनन्द पौडेल, अखिल नेपाल जनजाती सम्मेलनका अध्यक्ष निमबहादुर बुढाथोकी, रक्तिम सांस्कृतिक अभियानका केन्द्रीय सल्लाहकार मधु क्षेत्री, अखिल नेपाल महिला संघका अध्यक्ष मिना पुन, अखिल नेपाल बुद्धिजीवी संघका केन्द्रीय कोषाध्यक्ष भोला ढकाल, अखिल नेपाल युवक संघका सल्लाहकार रमेश पौडेल, अखिल नेपाल ट्रेड युनयन महासंघ (अन्टुक) का अध्यक्ष नारायण सापकोटा तथा राजमो केन्द्रीय सदस्य कल्याणी श्रेष्ठलगायतकानेताहरुले शुभकामना मन्तव्य व्यक्त गर्नुभएको थियो ।
कार्यक्रममा संघका सल्लाहकार अधिवक्ता घनश्याम न्यौपाने, पदाधिकारीहरु सउपाध्यक्ष अधिवक्ता रामप्रसाद शर्मा, कोषध्यक्ष अधिवक्ता राजेन्द्र शर्मा पुडासैनी, सदस्य अधिवक्ता कल्पना खनाल, पूर्व सचिव अधिवक्ता खिमानन्द बञ्जाडेलगायत उपस्थित हुनुहुन्थ्यो ।
