भारत ।लामो समयदेखि प्रवासमा रहेर सामाजिक गतिविधिमा संलग्न नन्दलाल विक र निर्मला विकले आफूहरू भ्रमवश कथित अखिल भारत नेपाली एकता समाजमा आबद्ध भएको भन्दै उक्त संगठन परित्याग गरी मूल प्रवाह अखिल भारत नेपाली एकता समाजमा पुनः प्रवेश गरेका छन्।
उनीहरूले संगठनमा काम गर्ने क्रममा विभिन्न विषयवस्तुमा भ्रम उत्पन्न भएको र त्यसपछि आफ्नो राजनीतिक तथा सामाजिक आबद्धताबारे पुनर्विचार गर्दै मूल प्रवाहमा फर्किएको बताएका छन्।
नगर सदस्य गणेश लावडको पहल तथा केन्द्रीय सदस्य नरेश कुमार विकको विशेष उपस्थितिमा आयोजित कार्यक्रममा नन्दलाल विक र निर्मला विकलाई मूल प्रवाह अखिल भारत नेपाली एकता समाजको सदस्यता प्रदान गरिएको हो।
सदस्यता ग्रहण गर्दै उनीहरूले आगामी दिनमा संगठनको नीति, उद्देश्य र कार्यक्रमअनुसार सक्रियतापूर्वक काम गर्ने प्रतिबद्धता व्यक्त गरेका छन्।
मूल प्रवाहका नेताहरूले उनीहरूको पुनःआगमनलाई संगठनप्रतिको विश्वास र एकताको महत्वपूर्ण उदाहरणका रूपमा लिँदै आगामी दिनमा संगठनलाई थप सुदृढ बनाउन सबैको सक्रिय सहभागिता आवश्यक रहेको बताएका छन्।
