काठमाडौँ । स्वास्थ्य बिमा बोर्डले सेवा प्रदायक स्वास्थ्य संस्था तथा अस्पतालहरूलाई २०८३ वैशाखसम्मको बाँकी रकम भुक्तानी गरेको छ ।

बोर्डले वैशाखसम्मको दुई अर्ब एक करोड ४५ लाख ११ हजार सात सय ४० रुपैयाँ भुक्तानी गरेको हो ।

बोर्डले स्वास्थ्य बिमा कार्यक्रमअन्तर्गत सेवा प्रदान गरेका तीन सय ८३ स्वास्थ्य संस्थालाई स्वीकृत दाबीबापत उक्त रकम भुक्तानी गरेको छ ।

विवरणअनुसार विभिन्न जिल्लाका सरकारी, निजी र सामुदायिक अस्पताललाई रकम भुक्तानी गरिएको हो ।

बोर्डको निर्णयानुसार स्वीकृत दाबी रकममध्ये भुक्तानी हुन बाँकी वैशाखसम्मको रकम सेवा प्रदायक संस्थाको खातामा पठाइएको छ ।