नयाँदिल्ली । मूल प्रवाह अखिल भारत नेपाली एकता समाजले तिज पर्व र महिलामुक्ति आान्दोलनबारे अन्तरक्रिया कार्यक्रम सम्पन्न गरेको छ ।
नेकपा (मसाल) का महामन्त्री मोहनविक्रम सिंहको प्रमुख आतिथ्यमा सेप्टेम्बर २, २०२६ का दिन भर्चुअल माध्यमबाट सो कार्यक्रम सम्पन्न भएको हो ।
मूल प्रवाहको केन्द्रीय महिला विभागद्वारा आयोजित उक्त कार्यक्रममा मन्तव्य राख्दै महामन्त्री सिंहले तिजलाई प्रगतिशील प्रकारले मनाउनुपर्ने आवश्यकतामा जोड दिनुभयो ।
२०८३ भदौ १० गते को रसुवाको भोटेकोशी–त्रिशूलीमा आएको भीषण बाढीको सन्दर्भ उल्लेख गर्दै उहाँले प्रभावितका लागि राहत सङ्कलन गर्नुपर्नेमा जोड दिनुभयो ।
कार्यक्रममा राष्ट्रिय जनमोर्चाकी उपाध्यक्ष तथा प्रवक्ता दुर्गा पौडेल, अखिल नेपाल महिला सङ्घकी अध्यक्ष मीना पुन, राजमो केन्द्रीय सल्लाहकार आनन्द शर्मा, मूल प्रवाहका अध्यक्ष प्रेम पौडेल, अन्तर्राष्ट्रिय नेपाली एकता समाजका सचिवालय सदस्य ठाकुर खनाल, मूल प्रवाहका उपाध्यक्ष कपिल खनाल र जनकराज पौडेल, महासचिव त्रिभुवन भट्टराई, कोषाध्यक्ष चन्द्रकान्त शर्मालगायतको आतिथ्य रहेको थियो ।
विष्णु शर्माको सञ्चालन तथा फूलबिना पौडेलको अध्यक्षतामा अघि बढेको उक्त कार्यक्रममा उपस्थित सहभागीलाई दीपा थापाले स्वागत गर्नुभएको थियो ।
