बागलुङ । बागलुङ जिल्लाको ढोरपाटन नगरपालि–४ का वीरबहादुर छत्यालको घर तथा जग्गा पहिरोको जोखिमले गर्दा उहाँको परिवार बिचल्लीमा परेको छ । वर्षासँगै आएको पहिरोले छत्यालको घरमा क्षति पुर्याएपछि ४ जनाको परिवार छिमेकीको घरमा शरण लिन बाध्य भएको छ ।

पहिरोबाट मानवीय क्षति नभएपनि घर पुरै बग्ने अवस्थामा पुगेको स्थानीय राजमो नेता इन्द्रमान छन्त्यालले बताउनुभएको छ । विस्थापित परिवारलाई छिमेकीको घरमा सारिएपनि उनीहरुको दिर्घकालिन व्यवस्थापन गर्न सम्बन्धित निकायले ध्यान दिनुपर्ने छन्त्यालले बताउनुभयो ।

जोखिमका कारण घरबाट विस्थापित परिवारको उचित व्यवस्थापन गर्न सम्बन्धित पक्षसँग माग गरिएको पनि उहाँले जानकारी दिनुभयो ।  बागलुङको ढोरपाटनलगायत क्षेत्रमा बुधबार रातिसम्म भारी वर्षा भएको थियो ।