खिमराज चालिसे, चन्डिगढ ।
भारतको हिमाचल रामपुर बुशहरस्थित डदनगरमा मूल प्रवाह अखिल भारत नेपाली एकता समाजको एरिया समिति गठन भएको छ ।
सेप्टेम्बर २, २०२६ का दिन सम्पन्न उक्त भेलाले १३ सदस्यीय एरिया समितिको गठन गरेको हो ।
समिति गठनपूर्व मूल प्रवाह हिमाचल राज्य समितिका कोषाध्यक्ष एवम् रामपुर नगर अध्यक्ष सीताराम बुढाले समाजको घोषणापत्र, विधान र भारतमा मूल प्रवाहको आवश्यकताबारे स्पष्ट पार्नुभएको थियो ।
भेलाले लालबहादुर रावत अध्यक्ष रहनुभएको १३ सदस्यीय एरिया समिति गठन गरेको छ ।
समितिको उपाध्यक्षमा पार्वती थापा, सचिवमा भावना सिंह, सहसचिवमा कमलादेवी थापा र कोषाध्यक्षमा रिता पुन निर्वाचित हुनुभएको छ ।
त्यसैगरी समितिको सदस्यमा कृष्णमाया थापा, बिर्मादेवी, सपना भण्डारी र पूजा शाही रहनुभएको छ भने वैकल्पिक सदस्यमा कमला खत्री, रूपा देवी र मुना देवीलाई चयन गरिएको छ । समितिको सल्लाहकारमा राजकुमारलाई चयन गरिएको छ ।
नवनिर्वाचित कार्यसमितिका पदाधिकारी तथा सदस्यले प्रवासी नेपालीको हकहित र एकताका लागि निरन्तर सक्रिय रहने प्रतिबद्धता व्यक्त गरेको नगर अध्यक्ष सीताराम बुढाले बताउनुभयो ।
