रामपुर, हिमाचल प्रदेश । भारतको हिमाचल प्रदेशस्थित रामपुरको कुमारसेनमा मूल प्रवाह अखिल भारत नेपाली एकता समाजको एरिया समिति गठन गरिएको छ। २८ अगस्त २०२६ मा सम्पन्न एरिया स्तरीय भेलाले शुक्रबहादुरको अध्यक्षतामा १५ सदस्यीय कुमारसेन एरिया समिति गठन गरेको हो।
भेलामा मूल प्रवाह हिमाचल राज्य समितिका कोषाध्यक्ष तथा रामपुर नगर अध्यक्ष सिताराम बुढाले मूल प्रवाहको विधान, संगठनको उद्देश्य तथा भारतमा मूल प्रवाहको आवश्यकताबारे प्रकाश पार्नुभएको थियो। त्यसपछि भेलाले नयाँ एरिया समिति गठन गरेको हो।
नवनिर्वाचित समितिको उपाध्यक्षमा प्रेमबहादुर बुढाथोकी, सचिवमा गोपाल थापा, सहसचिवमा दीपा थापा र कोषाध्यक्षमा प्रीति थापा चयन हुनुभएको छ।
त्यसैगरी, सदस्यहरूमा रामु थापा, रमेश थापा, गीता थापा र कल्पना ओली रहनुभएको छ। वैकल्पिक सदस्यहरूमा पार्वती, पार्वती पन्थ र दीपक घर्ती चयन हुनुभएको छ।
त्यस्तै, सल्लाहकारहरूमा उमेश गुरुङ, गंगा थापा र पारु थापा रहनुभएको छ।
नवनिर्वाचित समितिले कुमारसेन क्षेत्रमा रहेका नेपालीहरूको हकहित, संगठनात्मक एकता तथा सामाजिक समस्याका विषयमा सक्रिय भूमिका निर्वाह गर्ने अपेक्षा गरिएको छ।
भेला शुक्रबहादुरको अध्यक्षता तथा गोपाल थापाको सञ्चालनमा सम्पन्न भएको रामपुर नगर अध्यक्ष सिताराम बुढाले जानकारी दिनुभएको छ।
