खुम रायमाझी कुवेत ।

कुवेतस्थित नेपाली दूताबासले गत आव २०८२/८३ मा नेपाली कामदारलाई क्षतिपूर्तिबापत् १४ करोड १५ लाख नेपाली रुपियाँ नेपाल पठाएको छ ।

२०८३ भदौ ९ गते तदनुसार अगस्त २५, २०२६ का दिन दूताबासले सूचना जारी गर्दै सो जानकारी दिएको हो ।

दूताबासले उपलब्ध गराएको सूचनाअनुसार विभिन्न जिल्लाका कुल ९७ जना कामदार नेपालीका लागि तीन लाख सात हजार एक सय ४६ कुवेती दिनार नेपालको परराष्ट्र मन्त्रालयअन्तर्गत कन्सुलर विभागलाई पठाएको छ ।

सो रकम गत एक वर्षभित्र मृत्यु वा घाइते भएका नेपालीका परिवार तथा निजले नै पाएका हुन् । उक्त रकममा बिमा, बाँकी तलब, सेवाबापत पाउने रकम, कम्पनीबाट प्राप्त सहयोग वा मानवीय सहायता समावेश छ ।