चण्डीगढ । प्रवासी नेपाली संघ भारत, मोहालीकी सचिव तथा महिला विभागकी सचिव सीता जीसी र सदस्य शिवबहादुर जीसीले आज २३ अगस्ट २०२६ मा मूल प्रवाह अखिल भारत नेपाली एकता समाजमा प्रवेश गर्नुभएको छ।
प्युठान जिल्लाको गौमुखी गाउँपालिका–५, नारिकोट तल्लागाउँ स्थायी घर भई हाल भारतको पञ्जाब राज्यको मोहालीमा बस्दै आउनुभएका जीसी दम्पतीलाई मूल प्रवाह अखिल भारत नेपाली एकता समाजका केन्द्रीय सचिवालय सदस्य दिनेश खड्काले संगठनको सदस्यता प्रदान गर्दै मूल प्रवाहमा प्रवेश गराउनुभएको हो।
मूल प्रवाहमा प्रवेश गर्दै सीता जीसी र शिवबहादुर जीसीले प्रवासी नेपालीहरूको हकहित, सामाजिक एकता तथा संगठनात्मक अभियानमा सक्रियतापूर्वक योगदान गर्ने प्रतिबद्धता व्यक्त गर्नुभएको छ।
उहाँहरूको प्रवेशसँगै मोहाली क्षेत्रमा मूल प्रवाहको संगठनात्मक गतिविधि थप सुदृढ हुने अपेक्षा गरिएको महिला नेतृ सीमा खड्काले बताउनुभएको छ।
