काठमाडौं । काठमाडौंको गोंगबुमा टाउको र खुट्टा अलग–अलग अवस्थामा शव भेटिएको छ । गोंगबुको गणेशस्थान नजिकै टाउको काटिएको शव फेला परेको हो ।

टाउको काटेर शव राखिएको अवस्थामा कालो रंगको सुटकेस फेला परेको महानगरीय अपराध महाशाखाका एसएसपी दीपक थापाले जानकारी दिनुभयो । उहाँ अनुसार त्यसको करिब तीन सय मिटर पर अर्को झोलामा टाउको र खुट्टा फेला परेको हो । शवको सनाखत भएको छैन ।

शव भेटिएपछि प्रहरीको तालिम प्राप्त कुकुर परिचान गरियो । कुकुरले शव सुँधेपछि करिव तीन सय मिटर पर पुगेको थियो । त्यहाँ पुगेर हेर्दा अर्को शंकास्पद झोला फेला पर्‍यो । झोलामा काटिएको टाउको र खुट्टा थियो ।

अन्दाजी ४० वर्षीय पुरुषको शव कसैले हत्या गरेर फालेको देखिएको प्रहरीले जनाएको छ । यसबारे थप अनुसन्धान सुरु गरिएको एसएसपी थापाले बताउनुभयो ।