काठमाडौँ । चिया धेरैको दैनिक जीवनको अभिन्न हिस्सा भए पनि चियासँग केही खानेकुरा सेवन गर्दा पाचनसम्बन्धी समस्या निम्तिन सक्छ।

विशेषज्ञहरूका अनुसार चियामा रहेको क्याफिन, ट्यानिन र पोलिफेनोलले केही पोषक तत्त्वको अवशोषणमा असर पुर्‍याउन सक्छ। चियासँग वा तुरुन्तैपछि धेरै मसलादार तथा तिखा परिकार, कागतीयुक्त खाना, चकलेट तथा बेसारयुक्त खाना सेवन गर्दा ग्यास, एसिडिटी, अपच र पेट फुल्ने समस्या हुन सक्छ।

त्यस्तै, तातो चिया पिएलगत्तै चिसो पानी वा चिसो पेय पदार्थ पिउँदा दाँत र पाचन प्रणालीमा नकारात्मक असर पर्न सक्ने बताइएको छ।

स्वास्थ्यका लागि चियासँग मसलादार खाना कम खाने, कागती र चियाबीच कम्तीमा २०–३० मिनेटको अन्तर राख्ने, चकलेट सीमित गर्ने तथा तातो चियापछि तुरुन्तै चिसो पेय पदार्थ सेवन नगर्ने सुझाव दिइएको छ।