काठमाडौँ । जान्नेलाई छान्ने वा सुशासनको दुहाई दिएर नथाक्ने पार्टी रास्वपाका सांसदहरूको वास्तविकता विस्तारै खुल्न थालेको छ । यसैबीच रास्वपा सांसद विदुषी राणाको दोहोरो भूमिकामा रहेको विषय बहसमा आएको छ ।
विदुषी राणाले एकातिर सांसद, अर्कोतिर वैदेशिक कूटनीतिक जिम्मेवारी एकैसाथ सम्हालिरहेको विषयले राजनीतिक र कूटनीतिक वृत्तलाई तताएको छ । रास्वपाबाट समानुपातिक सांसद बनेकी राणा आइसल्याण्डका लागि वाणिज्यदूत हुन् ।
एकातिर राज्यको विधायक र अर्कोतिर मित्रराष्ट्रको कूटनीतिज्ञको भूमिका निर्वाह गरेको विषयप्रति रास्वपा कत्तिको गम्भिर छ ? संसद र सांसदको गरिमामाथि प्रश्न चिन्ह उठेको छ । यो विषय नितान्त नैतिकता र राष्ट्रियतासँग जोडिएको छ ।
आइसल्याण्डको काठमाडौंस्थित कन्सुलेट अफिसको वेवसाइटमा राणाको नाम आजसम्म वाणिज्यदूत नै लेखिएको छ । सो देशको आवासीय राजदूतावास भने भारतको राजधानी नयाँ दिल्लीमा छ ।
