काठमाडौँ । यतिवेला सरकारले आफ्नो मन्त्रिमण्डलमा ३३ प्रतिशत महिला राखेर आफुलाई महिला अधिकारको मसिहा संझिरहेको र यसैको सर्वत्र चर्चा र वाह वाहै लुटिरहेको छ । तर यो सरकारसँग जोडीएका समर्थकहरू राजनीतिक संस्कारको अभाव, प्रतिशोध, नकारात्मक सोंचबाट ग्रसित देखिएका छन् । त्यसको एउटा मात्रै उदाहरण एउटी युवती सञ्जालमार्फ दूर्व्यवहार, अश्लिल गालिगलौज तथा बेइजतीको शिकार भएकी छिन् ।
चैत १४ गते नवनिर्वाचित सरकारले पूर्व प्रधानमन्त्री केपी ओली र पूर्व गृहमन्त्री रेमश लेखकलाई हिरासतमा लिए थियो । ओली र लेखक सम्बध पार्टी निकट विभिन्न जनवर्गी मोर्चाहरूले काठमाडौँमा चरणवद्ध आन्दोलन गर्दै आइरहेका छन् । उक्त आन्दोलनको बीचमा एउटी युवती पनि सहभागि भई नाराबाजी गरेको विभिन्न भिडीयोमा देखिन्छ । त्यो उनको लोकतान्त्रिक अधिकार हो ।
तर त्यो भिडीयोमा देखिएकी ति युवतीलाई असमाजिक तत्वहरूले दूर्व्यवहार, अश्लिल गालिगलौज तथा बेइजती, हदैसम्म तल्तो स्तरका कमेन्ट गर्नेहरूप्रति सुशासनको नारामा चर्चित सरकार मौन छ । यो सरकारले आफ्नो विरोध गर्नेहरूलाई जो जस्ले जे जे गरेपनि छुट दिएकै हो त ? शाहेद यो होइन् होला । तर व्यवहारमा त्यस्तै देखिएको छ ।
शुशासनको नारा दिएर सत्तामा पुगेका व्यक्तिहरूको दृष्टिकोणमा आफ्नो पार्टिको बाहेक अरु पार्टिका मानिसहरूको राजनैतिक अधिकार छैन ? ब्यक्तिगत अधिकार वा वाक स्वतन्त्रता छैन ? एउटी युवतीको इज्जतमाथि सामाजिक सञ्जालमा खुल्ला चुनौति दिनेहरूलाई यो सरकारले कारवाही गर्दैन ? वा नयाँ सरकारमा आएका पार्टीमा राजनीतिक संस्कार छैन ? यो विषय गम्भिर बनेको छ ।
लोकतन्त्रको आधार नै समानता, स्वतन्त्रता र न्याय हो । त्यसैले लोकतन्त्रमा महिला–पुरुष दुबैको अधिकारहरू सुनिश्चिताको ग्यारेन्टी हुनुपर्दछ । जनतालाई त्यसको प्रत्याभुती गराउने जिम्मेवारी सरकारको हुन्छ ।
