काठमाडौँ । बालेन शाह (बालेन्द्र) ले नेपालको ४० औँ प्रधानमन्त्रीको रुपमा सपथ ग्रहण गरेका छन् । शाहलाई राष्ट्रपति रामचन्द्र पौडेलले पद तथा गोपनियताको सपथ ग्रहण गराएका हुन् ।
राष्ट्रपति कार्यालय शीतलनिवासका आयोजित विशेष शपथ समारोहमा पूर्वप्रधानमन्त्रीहरू पुष्पकमल दाहाल प्रचण्ड, माधवकुमार नेपाल, झलनाथ खनाल र बाबुराम भट्टराई सहभागी भएका थिए ।
सो अवसरमा शाहको नेतृत्वमा १५ सदस्यीय मन्त्रीमण्डलले पनि पद तथा गोपनियताको सपथ ग्रहण गरेका छन् ।
शाह नेतृत्वको सरकारमा उद्योग, वाणिज्य तथा आपूर्तिमन्त्री प्रस्तावित गरिएका अमरेशकुमार सिंहले सो पद अस्वीकार गरेका छन् । रक्षा वा परराष्ट्रमन्त्री दाबी गरेका सिंहलाई उद्योगमन्त्री प्रस्ताव गरिएपछि सिंहले पद अस्वीकार गरेको उनको सचिवालयले जनाएको छ ।
सिंहले उद्योगमन्त्री अस्वीकार गरेपछि उक्त मन्त्रालय प्रधानमन्त्री बालेन शाहले आफै राखेका छन्। प्रधानमन्त्री बालेनले रक्षामन्त्री पनि आफैसँग राखेका छन् ।
वरीयताअनुसार मन्त्रिपरिषद् :
– बालेन्द्र शाह– प्रधानमन्त्री, रक्षा, उद्योग, वाणिज्य तथा आपूर्ति
– स्वर्णिम वाग्ले– अर्थमन्त्री
– सुधन गुरुङ– गृहमन्त्री
– शिशिर खनाल– परराष्ट्रमन्त्री
– सुनिल लम्साल– भौतिक पूर्वाधार तथा यातायात र सहरी विकास मन्त्री
– विराजभक्त श्रेष्ठ– ऊर्जा जलस्रोत तथा सिंचाइ मन्त्री
– खड्कराज पौडेल (गनेश)– पर्यटनमन्त्री
– सस्मित पोखरेल– शिक्षा विज्ञान, तथा प्रविधि र युवा तथा खेलकुद मन्त्री
– निशा मेहता– स्वास्थ्य तथा जनसंख्या मन्त्री
– विक्रम तिमिल्सिना– सञ्चारमन्त्री
– प्रतिभा रावल– सामान्य प्रशासनमन्त्री
– दीपक साह (महोत्तरी)– श्रम रोजगारमन्त्री
– सोविता गौतम– कानुनमन्त्री
– गीता चौधरी– कृषि तथा पशुपन्छी विकास र वन तथा वातावरण मन्त्री
– सीता वादी महिला– बालबालिका मन्त्री
