बागलुङबजार । अखिल नेपाल शिक्षक सङ्घ बागलुङको पाँचौँ जिल्ला सम्मेलन मित्रदत्त ढकाललाई अध्यक्षमा चयन गर्दै सम्पन्न भएको छ ।
केन्द्रीय अध्यक्ष सानोभाइ कार्कीको प्रमुख आतिथ्यमा २०८२ भदौ २० गते शुक्रबार बडिगाड गाउँपालिकाको खौलारबजारस्थित श्री भानु माध्यमिक विद्यालयमा सम्मेलन सम्पन्न भएको हो ।
सम्मेलनमा राष्ट्रिय जनमोर्चाका केन्द्रीय सल्लाहकार तथा जिल्ला समन्वय समितिका प्रमुख अमर थापा, राजमो केन्द्रीय सदस्य गौरीश्वर पाण्डे, राजमो गण्डकी प्रदेश समितिका उपाध्यक्ष धर्म कुँवर, राजमो बागलुङका सचिव भीमलाल पोखरेललगायतको आतिथ्य रहेको थियो ।
सम्मेलनले मित्रदत्त ढकाल अध्यक्षता रहनुभएको २७ सदस्यीय जिल्ला समिति र १० सदस्य केन्द्रीय प्रतिनिधि छनोट गरेको छ ।
समितिको उपाध्यक्ष दुर्गाबहादुर भण्डारी, सचिवमा चन्द्रकान्त आचार्य, कोषाध्यक्षमा कमल पौडेल, सहसचिवमा चित्रबहादुर केसी र महिला सचिवमा सुनुमाया घर्ती चयन हुनुभएको छ ।
त्यस्तै सदस्यमा भूमिराज आचार्य, मोहन सापकोटा, पदमबहादुर छन्त्याल, बेदबहादुर बुढा, भूमिराज नेपाली, मीना पोखरेल, शिवलाल वन, सावित्रा पुन, सोमलाल सापकोटा, भीम पुन, ईश्वरी शर्मापौडेल, कमला थापा, धनबहादुर पुन, कुलदीप क्षेत्री, महेन्द्र शर्मालगायत हुनुहुन्छ ।
त्यस्तै राष्ट्रिय सम्मेलनको केन्द्रीय प्रतिनिधिमा पुष्कर सापकोटा, जयलाल चालिसे, सुनमाया ढकाल, कृष्णप्रसाद आचार्य, टीकाराम कँडेल, ओम पुन, यम जिसी, भवानीप्रसाद आचार्यलगायत हुनुहुन्छ ।
सम्मेलनमा जिल्लाका १० पालिकाका दुई सय ५० भन्दा बढी प्रतिनिधि र पर्यवेक्षकको उपस्थिति रहेको थियो ।
