काठमाडौँ । कार्यवाहक प्रधानमन्त्री प्रकाशमान सिंहलाई १७ विद्यार्थी संगठनले संयुक्त रुपमा भदौ १७ गते नौँ बुँदे ज्ञापन पत्र बुझाएका छन् । विद्यार्थीहरूले विद्यार्थीमैत्री शिक्षा ऐन, निःशुल्क शिक्षा लगायतका मागहरूलाई जोड दिएका छन् ।
कार्यवाहक प्रधानमन्त्री प्रकाशमान सिंहलगायत, नेपाली काँग्रेसका प्रमुख सचेतक श्याम कुमार घिमिरे, नेकपा माओवादी केन्द्रका प्रमुख सचेतक र रास्वपाका प्रमुख सचेतक सन्तोष परियारलाई विद्यार्थीहरूले ज्ञापनपत्र बुझाएका हुन् ।
ज्ञापनपत्रमा अखिल (छैठौं) का अध्यक्ष सुवास जिसी, नेपाल विद्यार्थी संघका अध्यक्ष दुजाङ शेर्पा, अनेरास्ववियुका अध्यक्ष डा. सुजन कडरिया, अनेरास्ववियुका अध्यक्ष विजयप्रकाश शर्मा सापकोटा, अनेरास्ववियूका अध्यक्ष महेश श्रेष्ठ, समाजवादी विद्यार्थी युनियनका अध्यक्ष मनिषकुमार यादव र अखिल (क्रान्तिकारी) का अध्यक्ष वीरेन्द्र शाहको हस्ताक्षर रहेको छ ।
त्यस्तै ज्ञापनपत्रमा अखिल (क्रान्तिकारी) का अध्यक्ष महेश श्रेष्ठ, विद्यार्थी जनमत संघका संयोजक पोषण यादव, नयाँशक्ति विद्यार्थी युनियनका अध्यक्ष बलबहादुर रम्तेल, लोकतान्त्रिक विद्यार्थी संघका अध्यक्ष रोशन मिश्र, वैज्ञानिक समाजवादी विद्यार्थी संगठनका अध्यक्ष हिमांशु, अखिल (पाँचौँ) का अध्यक्ष पवित्रा आचार्य, राष्ट्रिय विद्यार्थी संघका अध्यक्ष पंकज देव, अखिल नेपाल विद्यार्थी युनियनका अध्यक्ष मिनिष भट्टराई र समाजवादी विद्यार्थी युनियनका अध्यक्ष प्रकाश चाम्लिङ राईको हस्ताक्षर रहेको छ ।
