काठमाडौँ । पाकिस्तानी प्रधानमन्त्री शाहबाज शरिफले अमेरिकी राष्ट्रपति डोनल्ड ट्रम्पलाई धन्यवाद दिएका छन् ।
भारत र आफ्नो देशबीच युद्धविराम सम्झौताका लागि भूमिका खेलेकोमा पाकिस्तानका प्रधानमन्त्री शरिफले ट्रम्पलाई धन्यवाद दिएका हुन् ।

उनले सामाजिक सञ्जाल एक्समा लेखेका छन्, ‘हामी अमेरिकी राष्ट्रपति डोनाल्ड ट्रम्पलाई यस क्षेत्रमा शान्तिका लागि उनको नेतृत्व र सक्रिय भूमिकाको लागि धन्यवाद दिन्छौँ।’

क्षेत्रीय शान्ति र स्थायित्वको हितमा युद्धविराम स्वीकार गरेको उल्लेख गर्दै शरिफले नतिजामा पुग्न सहयोग गरेकामा पाकिस्तान अमेरिकाको कदर गर्छ भनेका छन्।

उनले अगाडि लेखेका छन्, ‘हामी दक्षिण एसियामा शान्तिका लागि अमेरिकी उपराष्ट्रपति जेडी भान्स र विदेशमन्त्री मार्को रुबियोलाई पनि उनीहरूको योगदानको लागि धन्यवाद दिन्छौँ।’