लन्डन । भारत र पाकिस्तानबिच तनाव कम गर्न बेलायत तयार रहेको समाचार छ ।
Advertisement
आणविक शक्तिसम्पन्न भारत र पाकिस्तानमा दुई दशकयताकै सबैभन्दा तनावको अवस्था आएपछि बेलायतका व्यापारमन्त्री जोनाथन रेनोल्ड्सले सहयोग गर्न तयार रहेको बताउनुभएको हो ।
“हामी दुवै देशका मित्र र साझेदार हौँ । हामी दुवै देशलाई सहयोग गर्न तयार छौँ । हाम्रो सन्देश के हुनेछ भने क्षेत्रीय स्थिरताका लागि वार्तामार्फत् तनाव कम गर्न र उनीहरूलाई सहयोग गर्न हामी सबै सम्भावित पहल गर्न सक्छौँ र इच्छुक पनि छौँं’ उहाँले बिबिसी रेडियोसँगको अन्तर्वार्तामा भन्नुभयो । (रासस/एएफपी)
