शंकरप्रसाद पोख्रेल, प्युठान ।
लिपुलेकमा भारतले गरेको अतिक्रमणविरुद्ध राष्ट्रिय जनमोर्चाले गौमुखी गाउँपालिकाको आयोजनामा गाउँपालिकाको विभिन्न स्थानमा मसाल जुलुस प्रदर्शन गरेको छ ।
बिहीबार साँझ राजमोले निकालेको मसाल जुलुशमा सहभागीहरुले ‘कालापानी, लिपुलेक, लिम्पियाधुरा हाम्रो हो, भारतीय साम्राज्यवाद मुर्दाबाद, गो ब्याक इन्डिया, कालापानीमा नेपाली सेना परिचालन गर’ जस्ता नारा लगाउँदै बजार परिक्रममा गरेका थिए ।
जुलुश पछि खुङ्गमा आयोजित कोणसभालाई राष्ट्रिय जनमोर्चा प्युठानका सचिव बिदुर मल्लले सम्बोधन गर्नुभएको थियो । सम्बोधनका क्रममा उहाँले कालापानीबाट भारतीय सेना तुरुन्तै हट्नुपर्ने भन्दै भारतले नटेरे अन्तर्राष्ट्रिय अदालतमा यो मुद्दा उठाउनु पर्ने बताउनुभएको थियो । उहाँले देशको अस्तित्व रक्षाका लागि राजमो जस्तोसुकै आन्दोलन गर्न तयार रहेको बताउनुभयो । कोणसभाको सञ्चालन अखिल नेपाल युवक संघका केन्द्रीय सदस्य बरुणध्वज मल्लले गर्नुभएको थियो ।
त्यस्तै, ठुलाबेसीमा आयोजित बिरोधसभालाई नेकपा (मसाल)का जिल्ला प्रवक्ता ज्ञयामुराम न्यौपाने, राजमोका नेता भरत केसी र हरिबहादुर केसीले सम्बोधन गर्नुभएको थियो ।
