दाङ । दाङमा क्रियाशील नेकपा (मसाल) लगायत पाँच राजनीतिक दलले नेपाल–भारतमाझको सीमा समस्या अन्तर्राष्ट्रियकरण गर्न माग गरेका छन् । दाङका नेकपा (मसाल), राष्ट्रिय जनमोर्चा, नेकपा (माले), नेकपा (क्रान्तिकारी–माओवादी) र देशभक्त जनगणतान्त्रिक मोर्चाले २०७७ वैशाख २९ गते प्रेसविज्ञप्ती प्रसारित गर्दै सो माग गरेका हुन् ।
वक्तव्यमा नेकपा (मसाल) दाङका प्रवक्ता भरत भण्डारी, राजमो दाङका अध्यक्ष गणेश आचार्य, नेकपा (माले) दाङका सेक्रेटरी नेत्रप्रकाश पाण्डे, नेकपा (क्रान्तिकारी–माओवादी) का सेक्रेटरी रामजी चौधरी र देशभक्त जनगणतान्त्रिक मोर्चा दाङका अध्यक्ष नरेन्द्र बन्जाडेको हस्ताक्षर रहेको छ ।
वक्तव्यको पूर्ण पाठ यस प्रकार रहेको छ :
“राष्ट्रियता र स्वाधीनताको पक्षमा निरन्तर आन्दोलन र सङ्घर्ष गर्दै आइरहेका हामी दाङमा क्रियाशील राजनीतिक दलको संयुक्त बैठक आज राष्ट्रिय जनमोर्चा दाङका अध्यक्ष गणेश आचार्यको अध्यक्षतामा घोराहीमा बस्यो । बैठकले गरेका निर्णय सार्वजनिक गर्न यो पे्रसविज्ञप्ती जारी गरिएको छ ।
भारतको टकपुर तावाघाटदेखि नेपालका दार्चुला जिल्लाको लिपुलेक, नाभिढाङसम्म सडक पु¥याई नेपालसँग कुनै सरोकार नराखी उद्घाटनसमेत गरेको घटनाप्रति गम्भीर हाम्रो ध्यानाकर्षण भएको छ र त्यसको कडा शब्दमा भत्र्सना गर्दछौँ । साथै भारतले उक्त क्षेत्रको नेपाली भूमिसमेत आफ्नो नक्सामा सामेल गरेको सन्दर्भमा सरकारले यसलाई कूटनीतिक पहल गरी समस्या समाधान गर्न र यसलाई अन्तर्राष्ट्रियकरण गरी यिनको धारणासमेत सार्वजनिक गराउन जोड दिन चाहान्छौँ ।
अहिले कोरोना भाइरसको विश्व महामारीको अवस्थामा भएको बेलामा यस प्रकारका विवादास्पद कामको जति निन्दा गरे पनि कम नै हुन्छ । त्यसैले यो लकडाउनको बिचमा विरोधको कार्यक्रम गर्न सामाजिक दुरीका हिसाबले सही नहुने भएकाले लकडाउनको अवस्था हेरी विरोध कार्यक्रमसमेत गर्ने निर्णय गरियो ।”
