काठमाडौं । आज (शुक्रबार) बाट संसदको बजेट अधिवेशन सुरु हुँदैछ । बैठक अपराह्न ४ बजेका लागि बोलाइएको छ ।
कोरोना संक्रमणको जोखिमलाई ध्यानमा राखी सचिवालयले सम्पूर्ण तयारी पूरा गरेको जनाएको छ । संयुक्त रुपमा बस्ने प्रतिनिधसभा र प्रदेशसभाको बैठकका लागि सामाजिक दुरी कायम गरी आसनको व्यवस्था गरिएको छ ।
बिहीबार नै सांसदहरुको कोरोना परीक्षणका लागि स्वाब संकलन गरिएको थियो । सांसदहरुले कोरोना नभएको रिपोर्ट देखाएर मात्रै संसदमा प्रवेश पाउनेछन् ।
सचिवालय स्रोतका अनुसार हिजो (बिहीबार) साँझसम्म दुवै सदनका सांसद तथा कर्मचारी गरी ४ सय ४१ जनाको थ्रोट स्वाब संकलन भइसकेको छ । २ सय १२ सांसद र २ सय २९ संसद् सचिवालयका कर्मचारी तथा मर्यादापालकको स्वाब सङ्कलन गरिएको हो ।
प्रतिनिधिसभामा २ सय ७५ र राष्ट्रियसभामा ५८ सांसद छन् । बाँकी सांसद, सुरक्षाकर्मी र कर्मचारीको आज बिहान ८ बजेदेखि स्वाब संकलन भइरहेको संसद सचिवालयले जनाएको छ ।
