काठमाडौं । काठमाडौंको चन्द्रागिरीमा एक व्यक्तिको कोठा खानतलासी गर्दा ६ लाख रुपैयाँ भन्दा बढीको चोरीका सामान फेला परेको छ ।

प्रहरी वृत्त स्वयम्भुबाट खटिएको विशेष प्रहरी टोलीले ललितपुरको ओमबहाल घर भई हाल काठमाडौंको चन्द्रागिरी नगरपालिका–२ बस्ने वर्ष ३६ को सुनिल महर्जनको कोठमामा चोरी गरेर संकलन गरेको ६ लाख १८ हजार रुपैयाँको सामान फेला पारेको हो ।
चोरीका सामानसहित प्रहरीले महर्जनलाई नियन्त्रणमा लिएको छ ।

यही जेठ १८ गते विहान अन्दाजी १०ः२० बजेको समयमा काठमाडौं महानगरपालिका–१५ डल्लु स्थित विष्णु मग्रातीको कोठाको ताला फोडी नगद तथा मोबाइल चोरी गरेको र पटक पटक अन्य स्थानहरूमा पनि चोरी गरी फरार रहेको भन्ने प्रहरी वृत्त स्वयम्भुमा निवेदन दिएको आधारमा प्रहरीले उनको खोजी गरेको थियो ।

प्रहरी वृत्त स्वयम्भुको विशेष प्रहरी टोलीले चोरीमा संलग्न व्यक्तिहरूको खोजतलास गर्ने क्रममा जेठ ३१ गते चन्द्रागिरी नगरपालिका–२ नागढुङ्गा स्थित बसन्डोलमा चोरीमा संलग्न व्यक्ति सुनिल महर्जनलाई फेला पारेको हो ।

उनी बस्ने गरेको डेरा कोठा खानतलासी गर्दा उनको साथबाट चोरीको सामानहरू फेला परेपछि बरामद गरी प्रहरी वृत्त स्वयम्भुबाट थप अनुसन्धान कार्य भई रहेको प्रहरीले जनाएको छ।

बरामद सामानहरूः
१० चोरीको आईप्याड थान १ (अं. मूल्य रु.९०,०००)
२० ट्याब – थान २ (२०,०००)
३० सुनको माईली तिलहरी– थान १ (अं. मूल्य रु ८०,०००)
४० सुनको सानो तिलहरी – थान २ (अंं मूल्य रु १०,०००)
५० सुनको झुम्का – १ जोर (अं मूल्य रु ५०,०००)
६० सुनको चन्द्रमा – थान १ (अं. मूल्य रु १०,०००)
७० सुनको औँठी – थान १ (अं. मूल्य रु २५,०००)
८० चाँदीको बाला २ जोर (अं. मूल्य रु ५,०००)
९० सुनको मंगलसुत्र – थान १ (अं) मूल्य रु ८०,०००)
१०० चाँदीको पाउजु – १ जोर (अं) मूल्य रु २००००
११० ल्यापटप थान १ (अं. मूल्य रु १,००,०००)
१२० विभिन्न कम्पनीको मोबाइल– ११ थान (अं. मूल्य रु १,००,०००)
१३० घडी (हाते) ५ थान (अं. मूल्य रु ६,०००)
१४० नगद रु ३०,०००
१५० मृगको छाला – थान १
१६० सोनी कम्पनीको डिजिटल क्यामेरा– थान १ (अं) मूल्य १०,०००)

१७० चोरी गर्दा लगाएको खैरो जुत्ता, खैरो हाफ पाइन्ट, ‘सीएटी’ लेखेको कालो ब्याग, निलो खैरो विन स्विटर।
जम्मा रु ६ लाख १८ हजार रुपैयाँ।