पोखरा । गण्डकी प्रदेशमा अखिल नेपाल जनजाति सम्मेलनको भेला सम्पन्न भएको छ ।
केन्द्रीय अध्यक्ष निमबहादुर बुढाथोकीको प्रमुख आतिथ्यमा २०८१ जेठ ३० गते बुधबार कास्कीको पोखरामा उक्त भेला सम्पन्न भएको हो ।
राष्ट्रिय जनमोर्चाका केन्द्रीय सदस्य शङ्कर बरालको विशिष्ट आतिथ्य रहेको सो भेलामा मूल प्रवाह अखिल भारत नेपाली एकता समाजका उपाध्यक्ष कुलबहादुर थापा, अखिल (छैठौं) का उपाध्यक्ष गणेश अधिकारी, अखिल जातीय समता समाज गण्डकी प्रदेश समितिका सचिव विष्णुबहादुर विक, नेपाल महिला सङ्घ कास्कीकी सचिव लक्ष्मी कुँवर, जनजाति सम्मेलन बागलुङका अध्यक्ष ओमबहादुर पुन र जनजाति सम्मेलनका पूर्व केन्द्रीय सदस्य विकाराम चौधरीले मन्तव्य राख्नुभएको थियो ।
डम्बरबहादुर थापाको अध्यक्षता तथा नामबहादुर बाठामगरको सञ्चालनमा अघि बढेको उक्त कार्यक्रममा उपस्थित सहभागीलाई तिलबहादुर गुरुङले स्वागत गर्नुभएको थियो ।
संयोजकमा थापा
भेलाले डम्बरबहादुर थापा संयोजक रहनुभएको दुई रिक्तसहित १३ सदस्यीय जनजाति सम्मेलनको प्रदेश समिति गठन गरेको छ ।
समितिको सदस्यहरूमा टेकबहादुर थापा, तमबहादुर घर्ती, रूपनारायण महतो, विकाराम चौधरी, खगेन्द्र राना, तमबहादुर रोकाया, शान्ति गुरुङ, नामबहादुर बाठा, तुलवीर श्रीस र तिलबहादुर गुरुङ रहनुभएको छ ।
