कुश्मिसेरा, बागलुङ ।
अखिल (छैठौं) जैमिनी नगरपालिकाको भेला सम्पन्न भएको छ ।
केन्द्रीय अध्यक्ष देवेन्द्र कुँवरको प्रमुख आतिथ्यमा २०८१ जेठ १८ गते शुक्रबार उक्त भेला सम्पन्न भएको हो ।
भेलामा राष्ट्रिय जनमोर्चा बागलुङका सचिव तथा अखिल (छैठौं) का पूर्व महासचिव भीमलाल पोख्रेल, अखिल नेपाल युवक सङ्घका महासचिव तथा बडिगाड गाउँपालिका उपाध्यक्ष भीमसेन वनलगायतले शुभकामना मन्तव्य राख्नुभएको थियो ।
कार्यक्रममा जैमिनीका नगरप्रमुख नरबहादुर पुन, राजमो जिल्ला सदस्य ठाकुर शर्मा, युवक सङ्घका जिल्ला उपाध्यक्ष श्रीप्रसाद थापा, युवक सङ्घकै जिल्ला सदस्य खगेन्द्र थापा तथा राजमो नेताहरू होमबहादुर पुन, राम पौडेललगायतको आतिथ्य रहेको थियो ।
भेलाको अध्यक्षता अर्जुन सुनारले गर्नुभएको थियो ।
भेलाले सुसन थापा अध्यक्ष रहनुभएको अखिल (छैठौं) को १५ सदस्यीय पालिका समिति गठन गरेको छ ।
समितिको उपाध्यक्षमा रियाज पुन, सचिवमा अर्जुन सुनार, सहसचिवमा विनोद जिसी र कोषाध्यक्षमा कल्पना थापा रहनुभएको छ ।
त्यस्तै, सदस्यहरूमा सुदीप केसी, अन्जना थापा, रोहित क्षेत्री, आदर्श शर्मा, विधा सुनार, रोजिना सुनार, भूवन शर्मा, गीता क्षत्री, निशा शर्मा र आशिष शर्मा रहनुभएको छ ।
