लोकेन्द्र पौडेल, चेन्नई (भारत) ।
मूल प्रवाह अखिल भारत नेपाली एकता समाज चेन्नई पश्चिम, उत्तर र दक्षिण महिला विभागले ११४औँ श्रमिक महिला दिवस संयुक्त रूपमा मनाएका छन् ।
कार्यक्रममा श्रमिक महिला दिवसको शुभकामना दिँदै वक्ताहरुले अन्तर्राष्ट्रिय महिला दिवसको बारेमा स्पष्ट पार्नुभएको थियो।
मूल प्रवाह अखिल भारत नेपाली एकता समाज केन्द्रीय सदस्य केसमान नेपाली, क्षेत्रीय सदस्य काशीराम शर्मा, बुद्धि पौडेल, क्षेत्रीय सदस्य खगेश्वर सुनार, नगर सदस्य एकदेव शर्मा, प्रकाश नेपालीलगायतले शुभकामना मन्तव्य राख्नुभएको थियो ।
गुमाउनु कुमारी शाहीको अध्यक्षतमा सम्पन्न कार्यक्रमको सञ्चालन कोटीप्रसाद पोख्रेलले गर्नुभएको थियो ।
कार्यक्रममा मूल प्रवाह अखिल भारत नेपाली एकता समाज केन्द्रीय सदस्य केशमान नेपाली, क्षेत्रीय सचिवालय सदस्य काशीराम शर्मा, क्षेत्रीय सदस्य खगेश्वर विक, क्षेत्रीय सदस्य बुद्धि पौडेल, चेन्नई पश्चिम नगर समिति कोषाध्यक्ष एकदेव शर्मा, प्रकाश नेपालीको आतिथ्यता रहेको थियो ।
अतिथि आसन ग्रहण पश्चात ज्ञात अज्ञात सहितहरूप्रति एक मिनेट मौन धारणा गरिएको थियो । उपस्थित जनमानसनलाई महिला विभाग सदस्य चन्द्रिका पौडेलले स्वागत गर्नुभएको थियो।
