टुकबहादुर रामदाम, मस्कट
तमु समाज ओमानको आयोजनामा मस्कटस्थित जङ्गल रेस्टुरेन्ट कुरुम गार्डेनमा तमु मुप्रि ल्होसार कार्यक्रम सम्पन्न भएको छ ।
ओमानस्थित नेपाली राजदूतावास ओमानका राजदुत श्री डोरनाथ अर्यालको प्रमुख आतिथ्यमा सो कार्यक्रम सम्पन्न भएको हो ।
कार्यक्रममा आमन्त्रित अतिथि कलाकार रचना रिमाल नेपाली सोसल क्लबका प्रतिनिधि सुरेश खड्का एवम् विभिन्न सङ्घ/ संस्थाको प्रतिनिधिसहित प्रबासी नेपालीको सहभागिता रहेको थियो ।
उक्त कार्यक्रमा समाजका कार्यबाहक अध्यक्ष होम तमु ज्युको सभापति एवम् मादी तमुस्यो संयोजक चन्दा तमुस्यो सह– संयोजक रहेको उक्त कार्यक्रमलाई दुई चरणमा सम्पन्न गरिएको थियो ।
कार्यक्रममा रचना रिमाल, चेतकुमार तमु, गोबिन्द तमु, प्रेम तमु, दिल रोका र सन्तोस कटुवाललगायतलाई सम्मानस्वरुप मायाको चिनो प्रदान गरिएको थियो ।
कार्यक्रमको स्वागत समाजका सचिव माया तमुले र शुभकामना मधु तमुस्याले गर्नुभएको थियो ।
