बेलबहादुर रजाली, जयपुर (भारत) ।
भारत राजस्थानको जयपुरमा रामेछाप जिल्लाकी एक महिलाको शङ्कास्पद मृत्यु भएको छ ।

रामेछाप जिल्ला, गोकुलगङ्गा गाउँपालिका वडा नम्बर ४ बेताली बन्चरे माइत तथा दोलखा जिल्ला, तामाकोशी गाउँपालिका–४ मालु चापाबोट घर भएकी सङ्गिताको डिसेम्बर १३, २०२३ का दिन जयपुरमा मृत अवस्थामा भेटिएकी हुन् ।

सङ्गिताकी दिदी गीता रोक्काका अनुसार उनको घाँटीमा धारिलो हतियारले रेटिएको प्रष्ट देख्न सकिन्छ ।

मृतक सङ्गिता तिहारभन्दा चार दिनअघि मात्रै जयपुर आएकी थिइन् । उनलाई उनका पतिले जयपुरको बापुनगरमा काममा लगाइदिएका थिए भने आफूले अर्कै ठाउँमा काम गर्दथे ।

डिसेम्बर १० आइतबारका दिन सङ्गिता पतिको कोठामा आएको र बुधबार १० बजे मृत अवस्थामा फेला परेकी थिइन् ।

प्रहरीले मृतककी पतिलाई पुलिसले नियन्त्रणमा लिई अनुसन्धान गरिरहेको छ ।