काठमाडौं । बिहीबार साँझ संयुक्त अरब इमिरेट्स(युएइ)को आबुधावीमा बिहीबार भएको सडक दुर्घटना तीन नेपाली महिलाको मृत्यु भएको छ । आबुधावीस्थित नेपाली दूतावासका अनुसार मृत्यु हुनेमा बाराकी अमिसा मोक्तान तामाङ (राहदानी नं. ९६७८४७५), झापाकी कृष्णकुमारी अधिकारी (राहदानी नं. ८५७२३९४) र प्युठानकी भावना कुँवर (राहदानी नं. ७२०१८१९) रहेका छन्।

रोकिराखेको लरीमा १८ नेपालीसहित २५ जना सवारी मिनीबस ठोक्किएर सो दुर्घटना भएको बताइएको छ । मृतक पाँच महिला र एक पुरुष छन् । मर्नेमा एक श्रीलंकाली र अर्को पाकिस्तानी नागरिक भएको बताइएको छ । मृतक पुरुष पाकिस्तानी नागरिक मिनीबस चालकसमेत रहेको युएइका सञ्चार माध्यमहरुले जनाएका छन् । दुर्घटनाग्रस्त मिनीबसमा २४ महिला र एक पुरुष चालक रहेका थिए ।

युएइस्थित दुतावासले मृतक नेपालीको शव नेपाल ल्याउनका लागि पहल भइरहेको जनाएको छ । लागि स्थानीय प्रशासन, मृत्यु भएका महिलाहरु कार्यरत एमबिएम कम्पनी र अस्पतालहरुसँग समन्वय भैरहेको जनाइएको छ । ‘आवश्यक प्रक्रिया पुरा गरी मृतकको शव नेपाल लैजानेलगायत अन्य समन्वय एवं सहजीकरणका लागि स्थानीय प्रशासन, एमडिएम कम्पनी र अस्पतालहरूसँग समन्वय भइरहेको छ’ दूतावासद्वार शुक्रबार जारी विज्ञप्तिमा भनिएको छ ।