दाङ । राष्ट्रिय जनमोर्चाका केन्द्रीय कार्यकारी अध्यक्ष रश्मीराज नेपालीले मतदान गर्नुभएको छ । उहाँसँगै उहाँकी पत्नी दमयन्ती अधिकारीले पनि मतदान गर्नुभएको हो ।

कार्यकारी अध्यक्ष नेपालीले आज २०७९ मङ्सिर ४ गते आइतबार बिहान ७:३० बजे दाङ जिल्ला गढवा गाउँपालिका वडा नं. १ बडहरास्थित आदर्श प्राथमिक विद्यालयस्थित मतदान केन्द्रबाट मतदान गर्नुभएको थियो ।

१९९८ असार २२ गते जन्मनुभएका अध्यक्ष नेपाली राजमोको तर्फबाट प्रतिनिधि सभातर्फ शीर्ष स्थानमा समानुपातिक उम्मेदवार हुनुहुन्छ ।

उहाँको नेतृत्वमा गत कात्तिक १६ गतेदेखि २८ गतेसम्म केन्द्रीय स्तरको राजमो समानुपातिक उम्मेदवार प्रचार प्रसार अभियान सञ्चालन भएको थियो ।