बाँके । अखिल नेपाल राष्ट्रिय स्वतन्त्र विद्यार्थी युनियन (छैठौं) ले बाँकेको खजुरास्थित ज्ञानोदय नमुना माविमा संगठन बिस्तार गरेको छ । कमला शाहीको अध्यक्षतामा ११ सदस्यीय इकाइ समिति गठन गरिएको हो ।
समितिको उपाध्यक्षमा सगिद अहमद शाही, सचिव रितुसिंह ठकुरी, सहसचिव मेघराज खटिक र कोषाध्यक्षमा अस्मिता श्रेष्ठ छन् । यस्तै, ब्यवस्थापन संकायतर्फ सविता गुरुङको अध्यक्षतामा समिति गठन गरिएको छ । समितिको उपाध्यक्षमा लक्ष्मी गुरुङ, सचिवमा बिमला ओली, सहसचिव बिना शाही र कोषाध्यक्ष टिका डिसी रहेका छन् ।
संगठनका महासचिव महेशराज जोशीको नेतृत्वको टोलीले संगठन निर्माण गरेको हो । अखिल (छैठौं) बाँकेको जिल्ला भेला यही पुस २६ र २७ गते नेपालगञ्जमा हुँदैछ ।
‘संघीयता विरुद्ध काठमाडौं मार्च’ को तयारी गरिरहेको अखिल (छैठौं) ले देशब्यापी भेला, प्रशिक्षण तथा संगठन निर्माणलाई तिब्रता दिएको छ ।
