सुमन आचार्य, भरतपुर ।
अनेरास्ववियु (छैठौं) चितवनको जिल्ला भेला समपन्न भएको छ । संघीयता विरुद्ध काठमाडौं मार्चको तयारीका सन्दर्भमा शनिबार भरतपुरमा भेलाको आयोजना गरिएको हो ।
यूनियनका केन्द्रीय कोषाध्यक्ष निश्चल क्षेत्रीको प्रमुख आतिथ्यतामा सम्पन्न भेलामा रत्ननगर नगरपालिका, कालिका नगरपालिका र भरतपुर महानगरपालिका लगायतका स्थानबाट विद्यार्थीहरु सहभागी थिए ।
भेलालाई सम्बोधन गर्दै कोषाध्यक्ष संघीयता दिनानुदिन असफल बन्दै गैरहेको सन्दर्भमा संगठनले सञ्चालन गर्न लागेको काठमाडौं केन्द्रित मार्चले संघीयता विरोधी आन्दोलनलाई गति दिने विश्वास व्यक्त गर्नुभयो । सो आन्दोलनमा चितवन जिल्ला समितिको तर्फबाट उत्साहजनक उपस्थितिको अपेक्षा गर्दै थप तयारीका लागि जुट्न आह्वान गर्नुभयो ।
उक्त कार्यक्रममा यूनियनका पूर्व जिल्ला अध्यक्ष माधव पौडेलले विध्यार्थी आन्दोलनको ऎतिहासिक पृष्ठभुमि बोकेको जिल्लाले अहिलेको आन्दोलनमा पनि नेतृत्वदायी भुमिका निर्वाह गर्ने दावी गर्नुभयो । यसैगरी यूनियनका पुर्व जिल्ला अध्यक्ष सुमन आचार्यले नेपालको इतिहासमा युवा विध्यार्थीहरुले ठुला ठुला ऎतिहासिक आन्दोलन सफल पार्नका लागि मुख्य भुमिका खेलेको बताउंदै संघियता विरुद्धको आन्दोलनको अगुवाइ गर्दै संघीयता खारेजिका लागि आन्दोलनमा जुझारु तरिकाले लाग्नका लागि युवा विध्यार्थीहरुलाई आह्वान गर्नुभयो ।
युनियनका जिल्ला अध्यक्ष कमल आचार्यको अध्यक्षता भएको कार्यक्रमको सञ्चालन अखिल (छैठौं) कालिकानगर नगर समितिका उपाध्यक्ष निसा पौडेलले गर्नुभएको थियो ।
