मदन भुषाल, बुर्तिबाङ ।
अखिल नेपाल राष्ट्रिय स्वतन्त्र विद्यार्थी युनियन (छैठौं) बाग्लुङले संगठन बिस्तारका क्रममा बुर्तिबाङको निसीभुजी जनता क्याम्पसमा क्याम्पस इकाई समिति गठन गरेको छ । अखिल (छैठौं) बागलुङका अध्यक्ष इन्द्रमणी पाण्डेको उपस्थितिमा आइतबार भएको भेलाले सिता पाण्डेको संयोजकत्वमा १५ सदस्यीय अखिल (छैठौं) निसीभुजी इकाई समिति गठन गरेको हो ।
जसको सहसंयोजकमा सरस्वती भुषाल तथा सदस्यहरु मनिषा थापा, सिता घर्ती, राधिका शर्मा, यमकुमारी पाण्डे, देऊमाया थापा, दिलमाया कुमाल, सिता सापकोटा, घममाया विक, पुनदेवी घर्ती क्षेत्री, हेमेन्द्र खड्का, आयुश अदै, सृजना छन्त्याल र दिपा घर्ती मगर रहनु भएको छ ।कार्यक्रममा अखिल (छैठौं) ढोरपाटन नगरसमितिका अध्यक्ष विवश छन्त्याल र सदस्य मदन भुषालको समेत उपस्थिति रहेको थियो ।
संघीयता विरुद्ध काठमाडौं अभियानको तयारी गरिरहेको अखिल (छैठौं) ले देशब्यापी रुपमा शैक्षिक संस्थाहरुमा विद्यार्थी भेटघाट तथा प्रशिक्षणसँगै संगठन निर्माणलाई तिब्रता दिएको छ ।
