खिमराज चालिसे, चंडिगढ ।
मूल प्रवाह अखिल भारत नेपाली एकता समाज सुदूरपश्चिमोत्तर क्षेत्रीय समिति अन्तर्गत पञ्जाब राज्यको पटियालामा आज सम्पन्न मूल प्रवाहको नगर भेलाद्वारा १७ सदस्यीय नगर संगठन समिति निर्माण गरिएको छ।
भेलाको उदघाटन मूल प्रवाहका केन्द्रीय सल्लाहकार तिलक पौडेलले गर्नुभयो । त्यसक्रममा उहाँले आठौं अखिल भारत सम्मेलनको ऐतिहासिक महत्वबारे चर्चा गर्दै फुटपरस्त गतिविधिमा संलग्न मुठ्ठिभर अवसरवादी हरुका चरित्रको भन्डाफोर गर्नु पर्ने विचार राख्नु भएको थियो ।
भेलामा विभिन्न समसामयिक विषयहरुमाथि व्यापक पछि विष्णु भुसालको अध्यक्षतामा १७ सदस्यीय नगर समिति निर्माण गरिएको छ ।
जसको उपाध्यक्ष रमेश घिमिरे, सचिव गोपाल सपकोटा, सह सचिव सरिता केसी, कोषाध्यक्ष बिमला बन्जाडे, सदस्यहरुमा सुनील कुमार, रमेश घिमिरे, अर्जुन केसी, कविराम बञ्जाडे, दधिराम पाण्डे, बिष्णु रेग्मी, प्रवीन रेग्मी, खेम पुन, बिमल बन्जाडे, पदम बोहोरा, जानकी भुसाल र बिमला रेग्मी रहनु भएको छ ।
कार्यक्रम महिला क्षेत्रीय सदस्य जमुना खनालको अध्यक्षता तथा क्षेत्रीय सदस्य प्रेम आचार्यको सञ्चालनमा सम्पन्न भएको हो ।
