खिमराज चालिसे, चंडिगढ ।
मूल प्रवाह अखिल भारत नेपाली एकता समाज जालन्धर नगर समितिद्वारा सञ्चालित महिला नगर विभाग जालन्धरको आयोजनामा प्रशिक्षण कार्यक्रम सम्पन्न भएको छ ।
कार्यक्रमको उद्घाटन गर्दै समाजका केन्द्रीय सदस्य कुल बहादुर बगालेले २१ औं शताब्दीमा पनि महिलाहरुले विद्यमान सामाजिक रूपमा उत्पिडन झेल्नुपरेको भन्दै सामाजिक संरचनाभित्र देखापर्ने समस्याहरु तथा भारतस्थिति महिलाहरुको समस्याप्रति मूल प्रवाहले खेलेको भूमिका उल्लेखनिय रहेको बताउनु भयो । उहाँले तात्कालिन अवस्थामा महिलाहरुको विद्यमान समस्या र संगठनको भूमिकाको विषयमा प्रशिक्षण दिनुभएको थियो ।
यस्तै, केन्द्रीय परिषद सदस्य लक्ष्मण खड्काले मूल प्रवाहको इतिहास र संगठनको संरचना एवं आर्थिक नियमावली सम्बन्धी प्रशिक्षण दिनुभएको थियो भने केन्द्रीय महिला विभाग सदस्य शुष्मा खड्काले स्वास्थ स्वच्छता तथा जागरुकताको विषयमा प्रशिक्षण दिनुभएको थियो ।
क्षेत्रीय सदस्य जितमान थापाले नेपाल भारतको सन्धि तथा इतिहासबारे प्रशिक्षण गर्नुभएको थियो । कार्यक्रममा शुभकामना दिँदै मधुकर भण्डारीले सांगठनिक रुपमा महिलाहरुले गर्ने आन्दोलनले नै जित निश्चित हुने धारणा राख्नुभएको थियो ।
कार्यक्रम सरिता सुनामको अध्यक्षतामा तथा जमुना गाहाको सञ्चालनमा सम्पन्न भएको थियो भने शुष्मा खड्काले स्वागत गर्नुभएको थियो ।
