खिमराज चालिसे, चंडिगढ ।
मूल प्रवाह अखिल भारत नेपाली एकता समाज हिसार नगर समितिको सक्रिय पहलमा कोरोना विरुद्वको खोप लगाइएको छ ।
भारतीय तथा नेपाली कुनै पनि परिचयपत्र नभएका श्रमजीवि नेपालीहरुलाई कोरोना विरुद्बको खोप सुविधा एकता समाजले उपलब्ध गराएको हो।
मूलप्रवाहको पहल तथा डाक्टर अन्जुको सहयोगमा नगर सदस्य केहरसिंह घर्तीमगर,लालबहादुर चुदाली, सिटि एरिया (ए) का सदस्य डोलबहादुर सोमरेको उपस्थितिमा शुक्रबार खोप लगाइएको थियो ।
अव दैनिक सात–सात जनाको दरले प्रमाणपत्र नभएका जो कसैलाई पनि हिसारमा कोरोनाको खोप सुविधा उपलब्ध हुने एकता समाजले जनाएको छ ।
स्मरण रहोस मूलप्रवाह केन्द्रीय सल्लाहकार तारा सोमरेको नेतृत्वमा गत ४ जनवरीमा जिल्ला उपायुक्तलाई भेटि माग–पत्र बुझाउदै परिचयपत्र बिहिन श्रमजीवीहरुको बारेमा ध्यानाकर्षण गराएको आधारमा अहिले खोप कार्यक्रम शुरू गरिएको हो।
