खिमराज चालिसे,चंडिगढ ।
मूल प्रवाह अखिल भारत नेपाली एकता समाज पश्चीमोत्तर क्षेत्रको गुरुग्राममा टोल समिति गठन भएको छ । नगर समितिद्धारा सञ्चालित गुरुग्राम पश्चिम एरिया अन्तर्गत नाहरपुरमा मंगलबार समिति गठन भएको हो ।
केसर सिंह भण्डारीको पहलमा आयोजित भेलाले ९ सदस्यीय टोल समिती गठन गरेको छ। केन्द्रीय सल्लाहकार सुरेश कुमार पाण्डे, क्षेत्रीय सदस्यहरु कमल रायमाझी र रणबहादुर थापाको विषेश उपस्थितिमा सम्पन्न भेलामा मूल प्रवाहको इतिहास, आठौं अखिल भारत सम्मेलन तथा संगठनको आवश्यकता लगाएतका विषयहरुमा छलफल भएको थियो ।
भेलाले केसरसिंह भण्डारीको अध्यक्षतामा टोल समिति गठन गरेको छ । समितिको उपाध्यक्षमा नरेन्द्र सिंह, सचिव सत्यबहादुर सिंह, सहसचिव थपिध्वज राई र कोषाध्यक्षमा प्रकाश बिक चयन हुनुभएको छ । सदस्यहरुमा हर्कबहादुर मल्ल, कृष्ण बिक, शेरबहादुर बिक र प्रकाश बिक रहनु भएको छ।
